مە شەش

چیرۆکا شەش خوشک و برایانە (عەزیزە، جەمۆ، زێلیها، فیدان، سامێت و بالیم) کو دەیک و بابێن خۆ د شەڤەکێ دا ژ نیشکەکێ ڤە ژ دەست ددەن، و سەرەڕای وان نەخۆشیێن دهێنە سەرێ وان، هەول ددەن پێکڤە بمینن و ب ژیانێ ڤە بگرن. هەرچەندە چیرۆک ل ئەستەنبوڵێ رویددەت، بەلێ ئەگەرێ ڤێ تراژیدیا دهێتە سەرێ وان ڤەدگەریت بۆ ئەڤینا مەزن یا دەیک و بابێن وان بالا و رەفەت. ئەڤ ئەڤینا نە گونجای ل جهەکێ گەلەک دویر ژ ئەستەنبوڵێ، ل گوندەکێ ماردینێ دەستپێدکەت. ئەڤە چیرۆکا مان و ژیانێیە یا شەش خوشک و برایێن کو ب هیڤیڤە بەرەنگاری هەر جۆرە بێ ئۆمێدییەکێ دبن و چ جاران دەست ژ هەولێن خۆ بەرنادەن دا کو ژ ئێک جودا نەبن. عەزیزە و زێلیها و جەمۆ، کو بخۆ ژی هێشتا ب درستای نەبووینە کەسێن پێگەهشتی، نەچار دبن ژ پێخەمەت فیدان و سامێت و بالیم ب زویاتی مەزن ببن. هەمی چیرۆک ل ماردینێ ب ئەڤینەکا بێ گونەهـ دەستپێکر، بەلێ ئەستەنبوڵ دێ ڤان هەر سێ گەنجان، کو سویند خارییە هەمی تشتەکێ بۆ خوشک و برایێن خۆ بکەن، ئێخیتە بەر تاقیکردنێن گەلەک دژوار.